AWS Certifications Path

AWS Solution Architect စာမေးပွဲ အကြောင်း သိချင်တဲ့သူတွေ အတွက် နည်းနည်း ဝေမျှချင်ပါတယ်။

Cloud Computing ခေတ်မှာတော့ AWS က လောလောဆယ် Global Market မှာ Leader ပေါ့။
သူ့နောက်မှာ Microsoft Azure နဲ့ Google Cloud တို့က လိုက်နေပါတယ်။

AWS Exam တွေဖြေမယ်ဆိုရင်

1) Architect
2) Developer
3) Operations
4) Storage
5) Media Services
6) Speciality
ဆိုပြီး (၆) ပိုင်း ရှိပါတယ်။

1) ကနေ 3) အထိ တပိုင်းစီအတွက် Associate Level , Professional Level ဆိုပြီးခွဲထားပါတယ်။
6) ကတော့ Specialist ပိုင်းအတွက်ပါ။
တခုချင်းစီကို အောက်မှာ ပြန်ရှင်းပြပါမယ်။

အရင်က သက်ဆိုင်ရာ exam တခုချင်းစီအတွက် Associate ပြီးမှ Professional သို့မဟုတ် Speciality ဖြေလို့ရမယ် ဆိုတဲ့ Pre-requisite တွေရှိပေမယ့် အခုတော့ မရှိတော့ပါဘူး။
ကြိုက်တဲ့ Level ကို တန်းဖြေလို့ရပါတယ်။

Architect စာမေးပွဲမှာတော့ AWS မှာ ရတဲ့ Service တွေထဲက Core Service တွေအကြောင်းနဲ့ တခြား အရေးပါတဲ့ Service တွေ အကြောင်းကို Solution Architect တယောက်အနေနဲ့ စစ်တာပါ။
စစ်တဲ့ အခါ 
- Operational Excellence
- Security
- Reliability
- Performance Efficiency
- Cost Optimization
ဆိုပြီး အပိုင်း (၅) ခု ခွဲပြီးစစ်ပါတယ်။

မေးခွန်းတွေက Scenarios Base တွေဖြစ်ပြီး ပေးထားတဲ့ အချက်အလက်တွေနဲ့ requirement တွေပေါ်မူတည်ပြီး Solution ထုတ်ပေးရတဲ့ ပုံစံမျိုးပါ။ Multiple Choice ပါပဲ။
မေးခွန်းက (၆၅) ခု ဖြေရပြီး၊ ဖြေဆိုချိန်က မိနစ် (၁၃၀) ပေးပါတယ်။ မိနစ် (၁၃၀) အတွင်းမှာ မေးခွန်းတွေကို ရှေ့နောက်ကြိုက်သလို ကျော်လို့ရပါတယ်။ ဖြေထားတဲ့ အဖြေကို မကြိုက်ရင်လဲ ပြန်ပြင်နိုင်ပါတယ်။ မသေချာလို့ နောက်မှ ပြန်လာကြည့်ချင်တယ်ဆိုရင်လဲ ကြည့်လို့ရအောင် Flag လုပ်ထားပြီး မှတ်ထားခဲ့လို့ရပါတယ်။ အချိန်စေ့သွားရင်တော့ ဘာမှပြန်လုပ်မရဘူးပေါ့။ Answer တွေကို Submit လုပ်ထားဖို့ပဲ လိုပါတယ်။
အောင်တယ် မအောင်ဘူးဆိုတာကို ဖြေပြီးတာနဲ့ တန်းသိရပေမယ့် Score Report နဲ့ Certificate ကိုတော့ 5 business days စောင့်ရမယ်လို့ ပြောပါတယ်။ ကျတော့်တုန်းကတော့ တရက်ပဲ စောင့်ရပါတယ်။
ဒါက Architect Exam အတွက်ပါ။ ကျန်တဲံ့ Exam တွေလဲ မေးခွန်း အရေအတွက်နဲ့ အချိန်က လွဲလို့ ကျန်တာ ပုံစံ အတူတူပါပဲ။

Developer နဲ့ Operations အတွက်တော့
Associate Level တွေမှာ Developer Associate နဲ့ SysOps Associate ဆိုပြီး Exam မတူပေမယ့် Professional Level Exam မှာ ကျတော့ DevOps Engineer Professional Exam ဆိုပြီး တခုထဲ ပဲ ရှိပါတယ်။

Specialty လိုင်းမှာတော့
- Advanced Networking
- Big Data
- Security
ဆိုပြီး (၃) မျိုးရှိပါတယ်။

စာမေးပွဲကြေးက Associate Level Exam တွေအတွက် US Dollars 150  ဖြစ်ပြီး၊ Professional နဲ့ Speciality Level Exam တွေ အတွက်ကတော့ US Dollars 300 ပါ။

Certification လမ်းကြောင်းအတွက် AWS က Pre-requisite တွေ မကန့်သတ်ထားတော့ပေမယ့် Recommand Path တော့ ပေးထားပါတယ်။
ဘယ်စာမေးပွဲကိုပဲ ဖြေချင် ဖြေချင် ပထမဆုံး အနေနဲ့ Cloud Practitioner သို့ မဟုတ် Tech Essentials Class တခုခု ကို အရင် တက်သင့်ပါတယ်။
ပြီးတော့မှ Associate Level Class အတွက် တက်သင့်ပါတယ်။
နောက်တော့မှ Professional Level ကိုသွားချင်သွား ဒါမှမဟုတ် Specialty Level ကို သွားပေါ့။
ကျတော့် အတွေ့အကြုံအရတော့ Cloud ပိုင်း  Hands-on Experience မရှိပဲ (သို့မဟုတ်) သက်ဆိုင်ရာ Domain Knowledge မရှိပဲ Associate ကနေ Specialty ကို တန်းမသွားသင့်ပါဘူး။
ဘာလို့လဲ ဆိုတော့ Cloud ပေါ်မှာ Trial Run မရပါဘူး။ အားလုံးက Pay as you go ချည်းပါပဲ။ ဒီတော့ သေချာ မသိပဲ လုပ်ရင် ပိုက်ဆံတွေ ကုန်နေမှာ ဖြစ်လို့ပါပဲ။

ကျတော် Solution Architect - Associate လမ်းကြောင်းအတွက် Tech Essentials နဲ့ Architecting on AWS Class နှစ်ခုရယ် Exam Readiness Prepration Class ကိုတက်ပြီး Project  သုံး လေး ခု လောက်ကို (၈) လောက်လောက် လုပ်ပြီး မှ စာမေးပွဲ ဖြေတာပါ။
Exam က အတော်လေး ခက်တယ်လို့ဆိုနိုင်ပါတယ်။ Professional Exam တွေကတော့ အခက်ဆုံးလို့ ပြောကြပါတယ်။ အခြေအနေ ပေးရင်တော့ ဖြေကြည့်သေးတာပေါ့။

ကဲ ဒီလောက်ဆိုရင် AWS Certification and Exam အကြောင်း တီးမိခေါက်မိ လောက်ပြီ ထင်ပါတယ်။

အသေးစိတ် သိချင်ရင်အောက် အောက်က လင့် တွေမှာ သွားဖတ်နိုင်ပါသေးတယ်။

https://aws.amazon.com/training/path-architecting/
https://aws.amazon.com/training/path-developing/
https://aws.amazon.com/training/path-operations/
https://aws.amazon.com/training/paths-specialty/

Storage နဲ့ Media Services အတွက်တော့ ကျတော် သေချာမသိတဲ့ အတွက် အောက်က လင့်မှာ သွားဖတ်ကြည့်နိုင်ပါတယ်။
https://aws.amazon.com/training/path-storage/

ကျေးဇူးတင်ပါတယ်။

ပျော်ရွှင်ပါစေဗျာ။
(Be knowledgeable, pass it on then)