HTC Desire Z ဖုန်းအား hard reset, restore to factory default settings လုပ်ပုံအဆင့်များ

ဖုန်းတွေ အကြောင်းမရေးဖြစ်တာကြာပါပြီ။...

ဒီတခါတော့... ကျွန်တော်တို့ဆီမှာ အသုံးများလာပြီဖြစ်တဲ့... HTC Desire အမျိုးအစား ဖုန်းတွေထဲက တမျိုးဖြစ်တဲ့ HTC Desire Z ကို Reset လုပ်ပုံလေးတွေ ကို တဆင့်ချင်းစီ ရှင်းပြပါမယ်။
ပထမဆုံးအနေနဲ့... Reset လုပ်ပြီဆိုရင် ဖုန်းထဲမှာ ရှိသမျှ Data တွေ အကုန်ပျက်သွားမှာ ဖြစ်တဲ့အတွက်ကြောင့်... Data Backup လုပ်ထားပါ။
ပြီးပြီဆိုရင် ...

၁။ Main Home Screen ကနေ menu ကို select လုပ်ပါ။
၂။ Settings ကို ရွေးပါ။ Privacy ကို ရွေးပါ။
၃။ Factory data reset ကို ရွေးပါ။
၄။ Reset phone ကို ရွေးပါ။
၅။ Password မေးလာပါမယ်... ထည့်ပေးလိုက်ပါ။ Erase everything ကို ရွေးပါ။

ကဲ... ဒါကတော့ soft reset လုပ်တယ်လို့ခေါ်ပါတယ်။

တကယ်လို့များ... ကိုယ့်ရဲ့ဖုန်းက ... menu setting တွေကို access လုပ်မရဘူး... frozen ဖြစ်နေတယ်ဆိုရင်... အောက်က အဆင့်တွေ အတိုင်း လုပ်ပါ။

၁။ ဖုန်းကို power ပိတ်ပါ။ Battery ကို ဖြုတ်လိုက်ပါ။ ၅ စက္ကန့်လောက်စောင့် ပြီး Battery ကို ပြန်တပ်လိုက်ပါ။
၂။ Volume Down ခလုတ်ကို ဖိပြီး နှိပ်ထားပါ။
၃။ Power ခလုတ်ကို ဖုန်း Power on လာသည် အထိ ဖိပြီး နှိပ်ထားပါ။
၄။ Fastbook, Recovery, Clear Storage , Simlock ဆိုတဲ့ Menu တခု ပေါ်လာပါမယ်။
၅။ Volume Down ခလုတ်ကို သုံးပြီး Clear Storage ဆိုတာကို ရွေးပေးပါ။
၆။ Power ခလုတ် ကို နှိပ်ပြီး လွှတ်လိုက်ပါ။
ရ။ Yes အတွက် Volume Up ခလုတ်ကို နှိပ်ပါ။ No အတွက် Volume Down ခလုတ်ကို နှိပ်ပါ။ (ဒီနေရာမှာတော့ Reset လုပ်ချင်တာဖြစ်တဲ့ အတွက် Yes ပဲ လုပ်ရမှာပါ။)

ဒါဆို ဖုန်းဟာ Resetting လုပ်နေပါမယ်... ပြီးသွားတာနဲ့ ဖုန်းဟာ Restart လုပ်ပါမယ်။ Restart ဖြစ်ပြီဆိုရင် မြင်ရမယ့် ဖုန်းရဲ့ Setting တွေ ဟာ Factory Default အတိုင်း ဖြစ်သွားပါပြီ။
ဒီတော့... Reset မလုပ်ခင်က ကိုယ့်ဖုန်းထဲမှာ ရှိတဲ့ Data , Application တွေ အကုန်လုံးကို ပြန် install လုပ်ပေးပြီး... စိတ်တိုင်းကျ သုံးစွဲလို့ရပါပြီ။

ကဲ...အားလုံးပဲ...မြန်မာနိုင်ငံရဲ့ ရှုပ်ထွေးလှတဲ့ Telecom Network ကြောင့်ဖြစ်လာနိုင်တဲ့ Phone Hang တဲ့ အဖြစ်ကနေ တတ်နိုင်သမျှ လွတ်ကင်းနိုင်ကြပါစေဗျာ။

ပျော်ရွှင်ပါစေဗျာ။
(Be knowledgeable, pass it on then)