အခုတလော စာမရေးဖြစ်တာ ကြာပါပြီ...
ဒီတခါတော့... ကျွန်တော်တို့လို Network Administrator တွေအတွက် အသုံးတည့်တဲ့ Program လေး တခုနဲ့ မိတ်ဆက်ချင်ပါတယ်။
ဒါလေးကို သတိထားမိတာတော့ ကြာပါပြီ...မရေးဖြစ်တာပါ။
ဒီလိုရှိတယ်ဗျ... Network တခုမှာ ကွန်ပျူတာတွေကို ထိန်းကျောင်းရတာ များလာလေလေ အလုပ်ရှုပ်လေလေပဲ။
ကွန်ပျူတာတွေကို Software Install လုပ်ပေးရ...Anti-Virus Definition Update တွေ လုပ်ပေးရ... လိုအပ်ရင် Restart ချလိုက်... ပြန်ဖွင့်လိုက်နဲ့...တကယ်ကို အလုပ်များတာပါ။
ကျွန်တော်ဆို ရုံးခန်းက အပေါ်မှာ အပေါ်မှာ လုပ်ပေးလိုက်...အောက်ကို ပြေးလုပ်လိုက်နဲ့ တော်တော်လေးကို ပင်ပန်းပါတယ်။
ဒီမှာ ကျန်တာတွေကို အားလုံး Remote လုပ်လို့ရပြီး... ကွန်ပျူတာကို Power ပြန်ဖွင့်တာကိုကျတော့ လုပ်မရဘူးဖြစ်နေခဲ့တယ်...။
ဒါနဲ့ အရင်က ရှာဖူးတယ်... Remote လှမ်းပြီး Power ဖွင့်လို့ရလားပေါ့...
တွေ့ပါတယ်ဗျာ.... Wake on LAN တဲ့ ဒီ Software လေးက သေးသေးလေးနဲ့ တော်တော် အသုံးတည့်ပါတယ်။
သုံးပုံသုံးနည်းကတော့ တော်တော်လွယ်ကူပါတယ်...
ကိုယ် Power ဖွင့်ချင်တဲ့ ကွန်ပျူတာ ရဲ့ IP Address နဲ့ MAC Address ကိုသိရုံနဲ့ လှမ်းဖွင့်လို့ရပါပြီ။
တော်တော် လေးလွယ်ပါတယ်။
ဒီတော့ စမ်းကြည့်ကြပါ။
ဒီ Software သုံးဖို့ လိုအပ်တဲ့ အခြေအနေတွေကတော့...
- ကိုယ်လုပ်ချင်တဲ့ ကွန်ပျူတာဟာ Network ချိတ်ထားရမယ်
- ကွန်ပျူတာကို AC Power ရောက်နေရမယ်
- တကယ်လို့ ကိုယ်လုပ်ချင်တဲ့ ကွန်ပျူတာဟာ တခြား subnet မှာဆိုရင် Broadcast Address သိရမယ်
- နောက်တခုက ကိုယ်လုပ်ချင်တဲ့ ကွန်ပျူတာရဲ့ Motherboard ဟာ Wake on LAN ဆိုတဲ့ Network ကနေ Power လှမ်းဖွင့်တာမျိုးကို
လုပ်လို့ရတဲ့ Board မျိုးဖြစ်ရမယ်
ကဲ...ဒီအချက်တွေ ပြည့်စုံပြီဆိုရင်တော့ ဒီ software ကို စမ်းကြည့်လို့ရပါပြီ။
သူ့ကို ရနိုင်တဲ့ နေရာတွေကတော့ အောက်က Link တွေမှာ ရနိုင်တယ်ဗျ။ ကိုယ်တိုင် ပြန်တင်ပေးထားတာပါ။
အလုပ်လုပ်ပုံကတော့ အတူအတူပဲ... Software တွေရဲ့ နာမည်တွေကတော့ နည်းနည်းလေးကွဲပါတယ်။
Software တွေနဲ့ အတူ... သုံးပုံသုံးနည်း user guide ပါ တွဲလျက်ပါပါတယ်။
http://dl.dropbox.com/u/19356519/SolarWinds-Wake-On-LAN.zip
http://dl.dropbox.com/u/19356519/wol_EN.exe
http://dl.dropbox.com/u/19356519/WolSetup.exe
ထင်သာမြင်သာအောင်လို့ Software တခုရဲ့ Screen shot လေးကိုတင်ပေးလိုက်ပါတယ်။
ဘဝတူ Network Administrator များ အဆင်ပြေပါစေဗျာ။
(Be knowledgeable, pass it on then)
No comments :
Post a Comment