How to configure Gmail account in Microsoft Outlook 2010?

IT ပိုင်း Service Contract ယူထားတဲ့ Customer Company တခုရဲ့ User တယောက်က ပြောလာပါတယ်။
ူသူ့ Gmail Account ကို Microsoft Outlook ကနေ သုံးလို့ ရနိုင်မလားတဲ့။ ရနိုင်ရင် သူ့အတွက် လုပ်ပေးပါဆိုပြီး တောင်းဆိုလာပါတယ်။
ဒါနဲ့ အောက်ကအဆင့်လေးတွေအတိုင်း လုပ်ပေးလိုက်ပါတယ်။ သင့်အနေနဲ့ သင်ကိုယ်တိုင် ဒီလိုမျိုး Gmail ကို Outlook နဲ့ သုံးချင်လို့ပဲဖြစ်ဖြစ်၊
အခြားသော User တယောက်ယောက်ကို လုပ်ပေးရတာပဲ ဖြစ်ဖြစ် အောက်က အဆင့်လေးတွေအတိုင်း လိုက်လုပ််ပေးလိုက်ရင် အဆင်ပြေစွာ အသုံးပြုနိုင်မှာ ဖြစ်ပါတယ်။

၁။ ပထမဆုံး Microsoft Outlook ကို ဖွင့်ပါ။
၂။ ပွင့်လာရင် ဘယ်ဖက် အပေါ်ဆုံးထောင့်နားက Office Button ကို Click ပါ။
၃။ Account Settings ဆိုတာကို Info ဆိုတာကို ရွေးလိုက်တာနဲ့ တွေ့ပါမယ်။
၄။ Account Settings ကို Click လိုက်ပါ။ Drop down menu လေးပေါ်လာပါမယ်။ Add Account ကို ရွေးပေးပါ။
၅။ Add New Account ဆိုတဲ့ Windows တခု ပွင့်လာပါမယ်။
၆။ Email Account ကိုရွေးပြီး Your Name, E-mail Address, Password တွေဖြည့်ပေးပါ။ (ဒီနေရာမှာ သင့်ရဲ့ Gmail Account User Name, E-mail Address, Password တွေကို ထည့်ပေးရမှာ ဖြစ်ပါတယ်။)
    ပြီးရင် Next ပေါ့ဗျာ
၇။ Online search for your server settings.... ဆိုပြီး gmail server settings တွေကို Automatically ရှာပါလိမ့်မယ်။
၈။ မိနစ် အနည်းငယ်လောက်စောင့်ပြီးတဲ့အခါ Your IMAP e-mail account is successfully configured. ဆိုပြီးပေါ်လာပါမယ်။ Finish ပေါ့ဗျာ။
    ပြီးပါပြီ။ Microsoft Outlook ဟာ သင့် Gmail ထဲက email တွေကို Download လုပ်ပေးနေပါလိမ့်မယ်။ အားလုံး Download လုပ်ပြီးဖို့ကတော့ သင့် mail box size ပေါ်မှာ မူတည်ပါတယ်။
    အောက်က ပုံလေးတွေကို ကြည့်ပြီး လုပ်မယ်ဆိုရင် လည်း အဆင်ပြေပါတယ်။

ပျော်ရွှင်ပါစေဗျာ။
(Be knowledgeable, pass it on then)

TeamViewer for iIT Professional !

ဒါလေးကို သုံးနေတာတော့ ကြာပါပြီ။
တင်ပေးမယ် ဆိုပြီး ခုတလော အလုပ်များနေတာနဲ့ စာရေးတဲ့ဖက်ကို မလှည့်ဖြစ်တာပါ။
သင်ဟာ IT နဲ့ပတ်သက်ပြီး System/Network Administration တွေလုပ်ရတယ်။ iPhone or iPad ကို သုံးတယ်။ တစ်နေရာတည်းမှာလည်း အမြဲထိုင်နေရတာမျိုး မဟုတ်ပဲ လျှောက်သွားနေရတယ်ဆိုရင်... သင့်ရဲ့ System/Network တွေကို သွားလာရင်းကနေ Control လုပ်လို့ရချင်မှာပေါ့။
ထို့အတူ... Customer များကို Technical Support လုပ်ပေးရတဲ့ IT သမားများဆိုရင်လည်း ဒါမျိုးကို လိုအပ်မှာပဲလေ... ဒီ TeamViewer ဆိုတာလေးကို သင့်ရဲ့ iDevice ထဲမှာ ထည့်ပြီး သင့်ရဲ့ လိုအပ်ချက်ကို ဖြည့်ဆည်းနိုင်ပြီဖြစ်ပါတယ်။
အတော်လေး အဆင်ပြေတဲ့ Apps လေးတခုပါ။
စမ်းကြည့်မယ်ဆိုရင်တော့ iTunes ကနေ TeamViewer လို့ ရှာပြီး Download လုပ်ပေတော့ဗျာ။
သင့်မသုံးတတ်မှာတော့ မပူပါနဲ့ Apps ကို စဖွင့်လိုက်တာနဲ့ သင့်ကို သူက ဘယ်လိုအသုံးပြုရလဲ ဆိုတာ ပြောပြထားပါတယ်။
တခြား Mobile Device များအတွက် ရှိနိုင်မယ်ထင်ပါမယ်။ iDevice ကို သုံးတဲ့အတွက် တခြား အပိုင်းကို သေချာမသိပါ။ ထို့ကြောင့် တခြား Mobile Device များအတွက် မပြောပြနိုင်ခြင်းဖြစ်ပါတယ်။

ပျော်ရွှင်ပါစေဗျာ။
(Be knowledgeable, pass it on then)

Silent Photo Camera for iPhone users !!!

iPhone 4S လေးတစ်လုံး လက်ထဲရောက်လာတော့ မျိုးစုံကလိတာပေါ့။
ကလိတဲ့အထဲမှာ...ကင်မရာ ကို ကလိတော့...သဘောမကျတာ တခုတွေ့ပါတယ်။
ဘာလဲဆိုတော့ ... ဓာတ်ပုံရိုက်လိုက်တိုင်း ကလစ် ဆိုတဲ့ shutter sound ထွက်ထွက်လာတာပါ။
ဒါကို သဘောမတွေ့ပါဘူး။ ဘာလို့လဲဆိုတော့ သူများမသိအောင် ဓာတ်ပုံခိုးရိုက်တာပဲဖြစ်ဖြစ်... :P ...
ကလစ်ဆိုတဲ့ အသံကိုမကြားစေချင်လို့ပဲဖြစ်ဖြစ် ဒီ အသံက တော်တော် စိတ်ဘဝင်ကမကျစရာ ကောင်းပါတယ်။
ဒီတော့ Google ကြည့်တယ်ပေါ့ဗျာ။ Forum တွေမှာတော့ ပြောထားကြတာ စုံနေတာပါပဲ။
ပြောသမျှကတော့ သိပ်မလွယ်ပါဘူး။ မူရင်း Camera Shutter Sound File ကို modify/delete လုပ်ခိုင်းတာတွေပဲ များတယ်။
ဒါမျိုးကျပြန်တော့လည်း လုပ်ချင်ဘူးလေ သိတယ်မို့လား။

ဒါနဲ့ iTunes ကိုဖွင့် Apps Store မှာ ရှာကြည့်လိုက်တော့မှ Silent Photo Camera ဆိုတဲ့ Apps လေးကို Free နဲ့ Pro ဆိုပြီး ၂ မျိုးတွေ့ပါတယ်။
Free ကို စမ်းသုံးကြည့်တော့ သဘောကျမိပါတယ်။
ကင်မရာ အသံကို ဖျောက်နိုင်တာတင်မကပဲ... ကျန်တဲ့ Feature လေးတွေပါ ထည့်ပေးထားလို့ တော်တော်လေးကို ကြိုက်မိပါတယ်။
Free ကိုသုံးရင်တော့ ကြော်ငြာလေးတွေ ပါတာပေါ့ဗျာ။

စမ်းကြည့်ချင်တယ်ဆိုရင်တော့ Apps Store မှာ ဝင်ကြည့်ပေတော့ဗျာ။

 


ပျော်ရွှင်ပါစေဗျာ။
(Be knowledgeable, pass it on then)

WebBrowserPassView to recover passwords from Browsers !

တချို့ အပျင်းကြီးတဲ့သူပဲဖြစ်ဖြစ်...ကိုယ်တယောက်တည်း သီးသန့်သုံးတဲ့ ကွန်ပျူတာ user ပဲဖြစ်ဖြစ်...
Browser မှာ မိမိရဲ့ online account password တွေကို remember လုပ်ထားတတ်ကြပါတယ်။

အကြောင်းတခုခုကြောင့်... password ကို ပြောင်းလိုက်တယ်...ပြောင်းလိုက်တဲ့ password ကို လဲ ... Browser မှာ update password မလုပ်လိုက်မိဘူး... ဒီအခါမှာ... ပြဿနာ စ ဖြစ်တာပါပဲ။

ကိုယ်က New password ကို မမှတ်မိပဲ ဖြစ်နေ... Browser ကလဲ Old password ကိုပဲ သိမ်းထားတာဆိုတော့... စိတ်ညစ်ရပြီပေါ့ဗျာ။

ကိုယ်တိုင် ဒီပြဿနာကို ကြုံဖူးပါတယ်။ ကိုယ့် password ပြန်ရဖို့ ၂ ရက်လောက် ကို အချိန်ကုန်ဖူးပါတယ်။

ဒီတော့... ဒီလိုဖြစ်ရပ်မျိုးကနေ... အလွယ်တကူ ကျော်လွှားနိုင်ဖို့... WebBrowserPassView ဆိုတဲ့
Program သေးသေးလေးနဲ့ မိတ်ဆက်ပေးချင်ပါတယ်။

အကောင်သေးပေမယ့် တော်တော်လေး အစွမ်းထက်ပါတယ်။
သူ့ကို install လုပ်စရာမလိုပါဘူး။ Portable ဖြစ်ပါတယ်။

စမ်းသပ်သုံးကြည့်ချင်တယ် ဆိုရင် အောက်က Download WebBrowserPassView ဆိုတာလေးကို နှိပ်ပြီး စမ်းကြည့်နိုင်ပါတယ်။




တခုတော့ရှိပါတယ်... ဒါလေးက Browser မှာ Remember password လုပ်ထားတဲ့ password တွေကို ပဲ ပြန်ပြီး Recover လုပ်ပေးနိုင်တာပါ။

Download WebBrowserPassView

ပျော်ရွှင်ပါစေဗျာ။
(Be knowledgeable, pass it on then)

 

Password recovery program for Microsoft Outlook

ဒီနေ့ ... Customer Site တခုက Outlook ကို ဖွင့်တော့ အောက်မှာ ပြထားတဲ့ ပုံလေးလို ပြနေပါတယ်ဆိုပြီး ဖုန်းဆက်လာပါတယ်။

ဒါနဲ့ သွားကြည့်ပေးရတယ်ပေါ့ဗျာ။

Customer ကတော့ ပြောပါတယ် သူ password မပေးထားကြောင်းပေါ့။

ဒါဆို ဘယ်သူက လက်ကမြင်းသွားတယ် မသိပါဘူး။

သူ့ ကွန်ပျူတာက Login လုပ်တာတောင် password ခံမထားမှတော့ တယောက်ယောက် လက်ဆော့သွားပုံရပါတယ်။

ဒီတော့ Google ကနေ password reset လုပ်တာ လေး ရှာရတော့တာပေါ့။

ကံကောင်းတယ်လို့ ဆိုရမလားပဲ... Free မရတာတွေချည်းပဲ တွေ့နေရာကနေ... Free ရပြီး တကယ်လည်း
အသုံးတည့်တဲ့ Program သေးသေးလေးတခု သွားတွေ့ပါတယ်။

တော်တော်လေး အဆင်ပြေပါတယ်။ တကယ်လည်း အလုပ်ဖြစ်ပါတယ်။

Outlook 97, Outlook 2000, Outlook XP, Outlook 2003, and Outlook 2007 စတာတွေကို password reset လုပ်ပေးနိုင်ပါတယ်။

Microsoft Outlook ကို သုံးတဲ့ သူများ အနေနဲ့ ပဲ ဖြစ်ဖြစ်၊ Customer Support လပ်ပေးရတဲ့ သူတွေပဲ ဖြစ်ဖြစ်
အလားတူ Personal Folders (.pst) ကို password ပေးထားပြီး မမှတ်မိတော့တာတို့၊ တခြားတယောက်ယောက် လက်ဆော့သွားတာတို့
ဆိုရင် ဒီ Program လေးနဲ့ ပဲ Reset လုပ်ပါလို့ တိုက်တွန်းရင်း အောက် က Download မှာ အလိုရှိရင် Download နိုင်ပါတယ်ဗျာ။

တခုတော့ရှိပါတယ်... သူ့ကို အသုံးပြုမယ်ဆိုရင် Microsoft Outlook ကို ပိတ်ထားရမှာပါ။

Download Outlook Password Recovery Tool

ပျော်ရွှင်ပါစေဗျာ။
(Be knowledgeable, pass it on then)