မဖြေနူိင်ခဲ့သောမေးခွန်းနှစ်ခု……………..

(၁၉၉၈ ခုနှစ်နောက်ပိုင်းတွင်ရန်ကုန်နည်းပညာတက္ကသိုလ်၊
မန္တလေးနည်းပညာတက္ကသိုလ်များသို့တက်ရောက်ချင်ပါသော်လည်း
ကျောင်းဝင်ခွင့်မပေးတော့သဖြင့်အစိုးရနည်းပညာကောလိပ်(GTC)နှင့်
သာကျေနပ်ခဲ့ရသောကျောင်းသားများ၏ရင်ထဲတွင်ဒီမေးခွန်းလေးနှစ်ခု
ရှိခဲ့ဖူးပါတယ်……………………။
ကောလိပ်နှင့်တက္ကသိုလ်ဘာကွာခြားသနည်း…..?။
ကောလိပ်နှင့်တက္ကသိုလ်တွင်မည်သည့်ခြားနားချက်ရှိပါသနည်း…..?။)
ကောလိပ်နှင့်တက္ကသိုလ်များတွင် ဘုံတူညီချက်များစွာရှိသည်။
နှစ်မျိုးစလုံးက ကမ္ဘာကြိီးကိုကောင်းစွာနားလည်စေပြီိး ကမ္ဘာ့အတိတ်သမိုင်းကိုလည်းသိရှိစေသည်။နှစ်မျိုးစလုံးက အဆင့်မြင့်ဝိဇ္ဇာ၊
သိပ္ပံပညာရပ်များကိုသင်ကြားပေးသည်။လူငယ်များအနာဂတ်ဘဝရှင်သန်ရပ်တည်
ရေးအတွက်လိုအပ်သည်များကို ကူညီပြင်ဆင်ပေးသည်။
ကောလိပ်တွင်ဖြစ်စေ၊ တက္ကသိုလ်တွင်ဖြစ်စေ လေးနှစ်ကြာ ပညာသင်ယူမှုပြီးဆုံးသောကျောင်းသားများသည် ဘွဲ့ရရှိကြသည်။
ဤတွင် ကွာခြားချက်တစ်ခုမှာ ကောလိပ်များတွင် မဟာဘွဲ့ အတွက်ဆက်လက်
သင်ယူနူိင်မှု မရှိခြင်းပင်ဖြစ်သည်။(အစိုးရနည်းပညာကောလိပ်(မှော်ဘီ)တွင်
မဟာဘွဲ့အတွက်ဆက်လက်ပညာသင်ယူနေသောSeniorကြီးများကို
ကျွန်တော်တွေ့ခဲ့ဖူးပါသည်။ယခုတော့နည်းပညာတက္ကသိုလ်(မှော်ဘီ)ရယ်လို့
ဖြစ်နေပါပြီ။)
တက္ကသိုလ်များမှာ ယေဘုယျအားဖြင့် ကောလိပ်များထက် ပိုမိုကြီးမားပြီး ဘဲွ့မျိုးစုံ
အတွက်သင်ကြားပေးနူိင်ကြသည်။သုတေသနများစွာကိုလည်း ဆောင်ရွက်နူိင်ကြသည်။
ယနေ့ခေတ်မီ တက္ကသိုလ်ကြီးများမှာ အလယ်ခေတ် ဥရောပတက္ကသိုလ်ကြီးများကို
ပုံတူယူပြီး ဖြစ်ထွန်းခဲ့ကြခြင်းဖြစ်သည်။
တက္ကသိုလ်ဟူသော အင်္ဂလိပ် ဝေါဟာရ university မှာလက်တင်ဘာသာ universitas မှ မွေးစားယူခဲ့ခြင်းဖြစ်သည်။အဓိပ္ပာယ်မှာ `ရည်ရွယ်ချက်တစ်ခုအတွက်
လူတစ်စု စုရုံးကြခြင်း´ ဖြစ်သည်။
ကောလိပ် college မှာလည်း လက်တင်ဘာသာ collegium မှပင် လာခဲ့သည်။
အင်္ဂလန်တွင် ကောလိပ်များကို ကျောင်းသားများ စာသင်ရန်နှင့်နေထိုင်နူိင်ရန် တည်ဆောက်ထားခဲ့ကြသည်။ကျောင်းသား အုပ်စု တစ်အုပ်စုသည် တူညီသော
အကြောင်းအရာ တစ်ခုကို လေ့လာခဲ့ကြသည်။ထို့ကြောင့် ကောလိပ်အဓိပ္ပာယ်မှာ
`လေ့လာရန်နေရာ´ ဟူ၍ဖြစ်လာခဲ့သည်။
ကောလိပ်တစ်ခုသည် တက္ကသိုလ်တစ်ခု၏အစိတ်အပိုင်းလည်းဖြစ်နူိင်သည်။ကနဦး
အမေရိကန်တက္ကသိုလ်များသည် သင်ကြားပေးသောဘာသာရပ်များအလိုက် နေရာများခဲွထားပြီး နေရာတစ်ခုစီကို ကောလိပ်ဟု ခေါ်ခဲ့ကြသည်။ယနေ့တိုင် ယင်းကဲ့သို့ခေါ်နေဆဲဖြစ်သည်။အဆင့်မြင့်ပညာရပ်များကို သင်ကြားပေးသော
အစီအစဉ်များ၊ သင်တန်းဖွင့်လှစ်ပေးသော နေရာများကို school (ကျောင်း) ဟုလည်းခေါ်ကြသည်။ဥပမာအားဖြင့် တက်ဆန်(အမေရိကန်)တွင် ဖွင့်လှစ်ထားသော အာရီဇိုးနားတက္ကသိုလ်တွင် ကောလိပ်ပေါင်း ၁၈ ခုနှင့် ကျောင်းပေါင်း ၁၀ ကျောင်း ပါ၀င်ဖွဲ့ စည်းထားသည်။
ယင်းတို့တွင် ဆေးဝါးပညာကောလိပ် ၊ ပညာရေးကောလိပ် ၊ အင်ဂျင်နီယာကောလိပ် ၊ ဥပဒေကောလိပ် နှင့်အတူ ဗိသုကာကျောင်း ၊ အကသင်တန်းကျောင်း နှင့်ပြည်သူ့ ရေးရာစီမံခန့်ခဲွမှုကျောင်း တို့ပါ၀င်ကြသည်။
ယေဘုယျအားဖြင့် အဆင့်မြင့်ပညာရပ်များကို သင်ကြားပေးလျှင် ကောလိပ်ဟုသာ
ခေါ်ဝေါ်သည်။
Reference: လင်းရောင်ခြည်USA (2007-1/No.180)