Server,Domain,Workgroup, DNS and Me

မနေ့က Customer Site တခုမှာ ကြုံခဲ့ရတာလေးပါ။

ဘယ်လိုလဲ ဆိုတော့ PC အသစ်တပ်ပေးရပါတယ်။

လိုအပ်တဲ့ Application တွေ Install လုပ်ပြီးတဲ့အခါမှာ...

ပြဿနာ တခု စ ပါတော့တယ်။

ဘယ်လိုမျိုးလဲဆိုတော့... လုပ်ပေးရတဲ့ Customer Company က ခရီးသွားဝန်ဆောင်မှု လုပ်ငန်းလုပ်တဲ့ Company ပါ။

သူတို့မှာ သုံးတဲ့ Application က SQL Database သုံးပါတယ်။ SQL Server နဲ့ချိတ်ထားရတာပေါ့။

Application သွင်းပြီး... Database နဲ့ချိတ်ဖို့ကြီးစားတဲ့ အခါမှာ Server ကို မတွေ့ဘူးဖြစ်နေတာပါ။

ှSQL Server Service နဲ့ SQL Browser Service နှစ်ခုကို Server Side ကနေ Stop and Start ပြန်လုပ်လိုက်ပြီး Client PC မှာ Database ကို ပြန်ချိန်ဖို့ကြိုးစားကြည့်ပါတယ်။ မရသေးပါဘူး။

ဒါနဲ့ Server Name ကို တိုက်ရိုက် Connect မလုပ်ပဲ IP နဲ့ Connect လုပ်လိုက်တော့ အဆင်ပြေသွားပါတယ်။

ဒါပေမယ့် နောက်တခုကတော့ Database ကို ဝင်ကြည့်ရတဲ့ Local Webpage ကို ခေါ်မရတာပါ။

Client ဖက်ကနေ Server IP ကို လှမ်း Ping လို့ရပါတယ်။ Server Name ကို Ping တော့ Reply မလာပါဘူး။

ဒီတော့ စဉ်းစားတယ်ပေါ့ DNS Resolve မလုပ်နိုင်ဘူးဆိုပြီး။ ဒါနဲ့ Server မှာ သွားကြည့်တယ် DNS, DHCP အားလုံး OK နေတာ တွေ့ပြန်ပါတယ်။

ခေါင်းကိုက်တော့တာပါပဲ။ Client ရဲ့ IP ကို စစ်လိုက်တော့ တခြား Network ဖြစ်နေပြန်ပါရော။ ဒါဆို DHCP,DNS ကြောင့်ပဲ လို့ အတွေး က ပြန်ဝင်လာပြန်ပါရော။

ဒါနဲ့ Company Network ကို ပြန်စစ်လိုက်တော့.... 10.10.10.x နဲ့ သုံးတဲ့ Domain Network တခု၊ 10.10.20.x နဲ့ သုံးတဲ့ Workgroup Network က တခု ဖြစ်နေတာ တွေ့ပါတယ်။

ကိုယ်လုပ်နေတာက Workgroup Network ထဲက Client ကိုပါ။

IP တွေချိန်း.... DNS Resolve, Register, တွေ လုပ်ပေမယ့် ဘာမှ ထူးမလာပါဘူး။

Server Side, Client Side အကုန် စုံနေပါပြီ။ လုပ်စရာ မကျန်တော့လောက်အောင် ပါပဲ။

အလုပ်ထဲ က လုပ်ဖော်ကိုင်ဖက်တွေကို မေးတော့လဲ... Service Restart, Server Restart လုပ်ခိုင်းကြပါတယ်။

ပထမ SQL ပြဿနာကို တော့ Service Restart လုပ်လိုက်တာ ပြေလည်သွားပေမယ့်... ခု ဒုတိယ ဒီ Web Page ခေါ်မရတာကိုတော့ Server Restart လုပ်လို့ မရပါဘူး။

Domain Network က Client တွေက Server နဲ့ချိတ်ဆက် အလုပ်လုပ်နေလို့ Customer က ပေးမလုပ်ပါဘူး။

အရင် ရက်တွေက ဒီပြဿနာ မတက်ဘူး ဒီနေ့မှ တက်တာဆိုတော့ ပိုခေါင်းကိုက်တာပေါ့ဗျာ။

ကိုယ့်ကြောင့် ဖြစ်သွားတာ မဟုတ်ပေမယ့် ကိုယ်က ရှင်းပေးရမှာလေ။

အရင် လုပ်သွားတဲ့ သူ က ဘယ်လို Configure လုပ်ပြီး အဆင်ပြေတယ် မသိ ကိုယ်လဲ ခေါင်းခြောက်နေပြီ။

နောက်ဆုံး ခေါင်းပူတာပျောက်အောင်... Pantry Room ကို သွား Fridge ထဲက အအေးဆုံး အအေးတစ်ဗူးကို ယူ ဖြည်းဖြည်းချင်းသောက်ပြီး စဉ်းစားခန်းဝင်ရတာပေါ့။

အအေးဗူးကုန်တော့ အကြံရသွားပါတယ်။

Client စက်ကို သွားတယ်... Notepad ကို Administrator အဖြစ်နဲ့ ဖွင့်တယ်... Windows ရဲ့ host file ကို ဖွင့် ပြီး Server IP နဲ့ Server Name ကို ထည့်ပါတယ်။ ပြီးတော့ Save လိုက်တယ်။

Web Page ကို ပြန်ဖွင့်ကြည့်တယ်.... အားပါးပါး...ဝမ်းသာစရာပါပဲ... Web Page ပေါ်လာပါတယ်။

သေချာအောင် PC ကို Restart လုပ်လိုက်ပြီး ပြန်စမ်းကြည့်ပါတယ်။ OK ပါတယ်။

ဒီတော့မှ သက်ပြင်းမော တချက် ချ လိုက်ပါတယ်။

ကျန်တဲ့ PC တွေကို လဲ ဒီနည်းအတိုင်း လိုက်လုပ်လိုက်တော့ မှ အားလုံး အဆင်ပြေသွားပါတယ်။

ဒီတော့ အကျဉ်းချုပ်အားဖြင့်...

Domain Network , Workgroup Network နှစ်ခုရှိတယ်။
Network ၂ ခု လုံးက Server ကို Access လုပ်ဖို့လိုတယ်။
Domain Network ဖက်က ဘာမှ လုပ်ဖို့မလိုပါဘူး... IP က အစ Same Network ဖြစ်နေပြီး DNS Server အောက်မှာ လဲ ပါနေတာကြောင့် ကောင်းကောင်း အလုပ်လုပ်ဖို့ သေချာနေပါတယ်။
Workgroup Network ကတော့ Server ရဲ့ Database & Webpage ကို Access လုပ်ဖို့ လိုပေမယ့်။ IP က မတူပါဘူး။

ဒီတော့ DNS Resolve မလုပ်နိုင်ဘူးပေါ့။ Local Server ကို မလုပ်နိုင်ဘူးပြောတာပါ။
တခြား Internet Web တွေကို IP & Name Ping ရင် ရပါတယ်။
Local Server ရဲ့ IP ကို Ping လဲ ရပါတယ်။ Server Name ကို Ping မှ မရတာပါ။

ဒါမျိုး ကြံုလာလို့ကတော့ အပေါ်က နည်းအတိုင်းသာ လုပ်လိုက်ပါ။ အဆင်ပြေသွားပါလိမ့်မယ်။

လုပ်ငန်းခွင့် အတွေ့အကြံုဆိုတာ တကယ့်လုပ်ငန်းခွင်ရောက်မှ ပို သိ ရတာပါ။

ပျော်ရွှင်ပါစေဗျာ။
(Be knowledgeable, pass it on then)