University education is a must. Training course ??? It is not a mandatory.

အခုရက်ပိုင်း facebook မှာ ပညာရေးနဲ့ ပတ်သက်ပြီး အငြင်းပွားတာလေး တခု ဖတ်လိုက်မိပါတယ်။
တက္ကသိုလ်ကျောင်းတွေက ပဲ သုံးမရတဲ့ပုံမျိုး ရေးထားတာလေးတွေ့တာနဲ့ ဒီ စာလေး ရေးလိုက်တာပါ။
တက္ကသိုလ်ကျောင်းတွေက ကိုယ့်အတွက် လိုအပ်တာတွေကို တကယ်သင်မပေးလိုက်နိုင်တာ ပညာရေးစနစ်မကောင်းလို့ပါ...ဒါပေမယ့် သင်ရိုးညွှန်းတမ်းတွေနဲ့ ပြဌာန်းစာအုပ်တွေ က ကောင်းပါတယ်။
လက်တွေ့လုပ်ငန်းခွင်မှာ အသုံးချရမယ့် ပညာရပ်တွေကို သင်မပေးလိုက်နိုင်တာ ဆရာတွေရဲ့ အပြစ်လဲ မဟုတ်ပါဘူး… ခေတ်မမှီတဲ့ ပညာရေးစနစ်ကြောင့်ပါ။
ဒီတော့ဗျာ… ပညာတခုတကယ်တတ်ဖို့ အတွက်… ဟိုဟာမရှိဘူး။ ဒီဟာမရှိဘူး။ ဟိုဆရာက သေချာမသင်ပေးလို့။ ဒီစာအုပ်တွေ လိုတယ်။ သင်တန်းတက်မှပဲ တက်မယ်ထင်တယ်… စသည်ဖြင့် ပညာကို ဘယ်တော့မှ တန်ဖိုးမဖြတ်ပါနဲ့။ ပညာတကယ်တတ်ဖို့ ဆိုတာ ဆင်ခြေတွေပေးနေလို့ တတ်မလာနိုင်ဘူးလေ။
မရှိဘူးဆိုတာတွေကလဲ အမြဲတမ်းတော့ မရှိဘူးဆိုတာ မဖြစ်နိုင်ပါဘူး။ သူများသင်ပေးတာကို ပဲ လဲ စောင့်မနေနဲ့ပေါ့ဗျာ။ ကိုယ်က တကယ်တတ်ချင်ရင် ကိုယ်ကိုယ်တိုင်လဲ အားစိုက်ရမှာပေါ့။ ဘိုလိုပြောရရင် Self-study … ဒီထက် ပိုလာရင် further study ပေါ့ဗျာ။ ဒီတော့ကာ… ဆင်ခြေတွေပေးတာတွေကို ရပ်လိုက်ပါတော့။ ဘယ်သူ့ကိုမှ လည်း အပြစ်တွေ တင်မနေပါနဲ့လေ။ ကိုယ့်ဘဝ အတွက်ပဲဗျာ… ကိုယ့်ကိုယ်တိုင်ပဲ ကြိုးစားလိုက်စမ်းပါ။ ဆင်ခြေတွေပေးနေရင်တော့ ပညာကို တကယ်လိုလားပြီး တကယ်လဲ ကြိုးစားတဲ့ သူ တွေကြားထဲမှာ သင် ကျန်ခဲ့မှာပါပဲ။ …
ဒါဆို ဘယ်လိုလုပ်ရမတုန်း ???
ရှင်းပါတယ်… ဆင်ခြေမပေးနဲ့။ အပြစ်မရှာနဲ့။ တကယ်တော့ ကိုယ့်ကိုယ်ကိုသာ အားထားရာပါတဲ့။
ဒီစာကို ရေးနေတဲ့ ကျတော်က အင်ဂျင်နီယာတယောက်ပါ။ တချိန်က ကျတော်လည်း တက္ကသိုလ်ပညာရေးကို ဝေဖန်ခဲ့တဲ့ အထဲမှာ ပါတဲ့ သူပေါ့။
နောက်ပိုင်း မှ လုပ်ငန်းခွင်ဝင်တော့ သဘောပေါက်လာတာက…တကယ့်အကြောင်းရင်းအမှန်သည် ကိုယ်အသုံးမကျလို့ ဆိုတာ သိလာရတာပါပဲ။
သင်တန်းဆိုတာ တက္ကသိုလ်တွေလောက် အသေးစိတ် လိုအပ်တာကို သင်မပေးနိုင်တာတော့ သေချာပါတယ်။
တကယ်တမ်းပြောရမယ်ဆိုရင် တက္ကသိုလ်က သင်ပေးလိုက်တာကို ဘယ်လို Applied လုပ်မလဲ ဆိုတာတွေကို သင်ပေးတဲ့ မွမ်းမံသင်တန်းလို့ ပြောရင်မှန်မလားပဲ။
ဒီတော့ နှစ်ပေါင်းများစွာ တက္ကသိုလ်မှာ သင်ရတဲ့ ဘယ်ပညာရပ်ကိုမှ သင်တန်းတွေက လ ပိုင်းလောက်နဲ့ ပြည့်စုံအောင် သင်မပေးနိုင်ဘူးဆိုတာ ကိုတော့ သင် သိထားဖို့လိုပါတယ်။
ကဲပါ… ဒီလောက်ဆို စာဖတ်သူ လဲ ဆိုလိုရင်းကို သဘောပေါက်လောက်ပြီထင်ပါတယ်။

ပျော်ရွှင်ပါစေဗျာ။
(Be knowledgeable, pass it on then)



 

No comments :

Post a Comment